Sharing is caring: How to install dropbox in Ubuntu 12.10 (Quantal Quetzal)

ၵၢၼ်ႁဵၼ်းဢၼ်ၼႆ့ မၼ်းတေၼႄ လၢႆး တေႁဵတ်းႁိုဝ် ဢူၼ်းသႂ်ႇ Dropbox တီႈၼႂ်း ဢူးပုၼ်းတု Ubuntu 12.10 ။

သင်ၸိူဝ့်ဝႃႈ ၸဝ်ႈၵဝ်ႇပႆႇႁူႉဝႃႈ Dropbox ဢၼ်ဝႃႈၼႆ့ မၼ်းပဵၼ်ဢီႈသင်ၼႆ Dropbox ၼႆ့ မၼ်းပဵၼ် ၵၢၼ်သိမ်းပၼ်ၶေႃႈမုၼ်းႁဝ်း တီႈၼိူဝ် ပိုတ်ႇသၢႆ Online ၼႆၶႃႈယဝ့်။ မၼ်းတေသိမ်းဝႆ့လႆႈ ၽိုၼ်လိၵ်ႈ၊ ၶႅပ်းႁၢင်ႈလႄႈ ၸိူဝ်းပဵၼ် ၶေႃႈမုၼ်းတၢင်ၸိူဝ်း ၸၵႂႃႇၸိူဝ်းၼႆ့ၶႃႈယဝ့်။ တွၼ်ႈတႃႇတေသိမ်းဝႆ့ ၶေႃႈမုၼ်းႁဝ်းၸိူဝ်းၼၼ့် ႁဝ်းၶႃႈ ၸၢင်ႈလႆႈဢွင်ႈတီႈသိမ်း ဢၼ်မၵ်းၶၢၼ်းဝႆ့ပၼ်ႁဝ်းၼၼ့်။ မိူၼ်ၼင်ႇဝႃႈ ၽူႈၸႂ့်တိုဝ်းၼိုင်ႈၵေႃ့ မၼ်းမီးသုၼ်ႇ သိမ်းဝႆ့ ၶေႃႈမုၼ်းမၼ်း တီႈၼိူဝ် ပိုတ်ႇသၢႆ ၼိုင်ႈၵေႃ့ 5 GB ။ သင်ၸိူဝ့်ဝႃႈ ၶႂ်ႈၸႂ့်တိုဝ်း လိူဝ်သေၼၼ့်ၵႂႃႇၼႆ တေလႆႈပၼ်ငိုၼ်းသေ ၸႂ့်ၵႂႃႇ။ မၼ်းပဵၼ် ၼႃႈၵၢၼ် ပၢႆးမၢၵ်ႈမီးဢၼ်ၼိုင်ႈ။ ၵူၺ်းၵႃႈဝႃႈ မၼ်းၵေႃႈ ၶႅမ့်လႅပ်ႈသၢင်ႇထုၵ်ႇ တွၼ်ႈတႃႇ ၼႃႈၵၢၼ်ႁဝ်း။ ၶေႃႈမုၼ်းႁဝ်းၼၼ့် ဢမ်ႇတၢပ်ႇလူဝ်ႇ ပႃးၸပ်းတူဝ် ယူႇ တႃႇသေယဝ့်။ ပေႃးမီး ဢိၼ်ႇထိူဝ်ႇၼႅတ့် တီႈလႂ်ၵေႃႈ ၸႂ့်လႆႈ ဢဝ်လႆႈ သိမ်းလႆႈယဝ့်။

ပေႃးၸဝ်ႈၵဝ်ႇ ၶႂ်ႈဢူၼ်းသႂ်ႇ Dropbox တီႈၼႂ်း ဢူးပုၼ်းတု 12.10 ၼႆ သိုပ်ႇႁဵတ်းၵႂႃႇၸွမ်းၼင်ႇပႃႈတႂ်ႈၼၼ့် ႁဵတ်းႁိုဝ်ႁဵတ်း ဢၼ်ဝႃႈၼၼ့်ၶႃႈ။

ၵၢၼ်သၢင်ႈ

ဢူၼ်းသႂ်ႇ Dropbox တီႈၼႂ်ႈ Ubuntu 12.10
ၸႂ့်တိုဝ်းတူၺ်း

တွၼ်ႈတႃႇတေတႄႇ ၵၢၼ်ႁဵၼ်းဢၼ်ၼႆ့ ဢွၼ်တၢင်းသုတ်း ႁဝ်းၶႃႈၼဵၵ်းပၼ် Ctrl + Ctrl + T သေပိုတ်ႇပၼ် ထႃႇမီႇၼိူဝ်ႇ။ ပေႃးထႃႇမီႇၼိူဝ်ႇ ပိုတ်ႇမႃးၼႆ ထုတ်ႇဢဝ်သေ ပႃ့သႂ်ႇ ၸွမ်းၼင်ႇ ထႅဝ်လိၵ်ႈ ၶေႃႈပူင် Command ဢၼ်ပၼ်ဝႆ့ ပႃႈတႂ်ႈၼႆ့။

sudo apt-key adv --keyserver pgp.mit.edu --recv-keys 5044912E

ယဝ့်ၵေႃႈ တွၼ်ႈတႃႇတေထႅမ်သႂ်ႇ repository ၼၼ့် ထုတ်ႇဢဝ်သေ ပႃ့သႂ်ႇ ၶေႃႈပူင် Command ၸွမ်းၼင်ႇပႃႈတႂ်ႈၼႆ့။ ႁၢၼ့်တေႃႇ ၽွင်းယၢမ်း ၶႃႈႁဝ်း တိုၵ့်တႅမ်ႈၵၢၼ်ႁဵၼ်းၼႆ့တႄ့ Repository ဢၼ်ၵပ်းၵၢႆႇလူၺ်ႇ Dropbox တႃႇ ဢူၼ်းပုၼ်းတု 12.10 ၼႆ့တႄ့မၼ်းပႆႇမီး။ ပႆႇဢဝ်လႆႈ။ ၵွပ်ႈၼၼ်လႄႈ ႁဝ်းၶႃႈ ၶိုၼ်းၸႂ့်တိုဝ်း Precise repository တွၼ်ႈတႃႇ ဢၼ်ၼႆ့။

sudo add-apt-repository "deb http://linux.dropbox.com/ubuntu precise main"

ၵမ်းလိုၼ်းသုတ်း ၵႂႃႇပေႃ့သႂ်ႇ ၶေႃႈပူင် Command ၸွမ်းၼင်ႇပႃႈတႂ်ႈၼႆ့သေ ႁဵတ်း ဢၢပ့်တဵၵ့် ပိူင်သၢင်ႈၸဝ်ႈၵဝ်ႇလႄႈ ဢူၼ်းသႂ်ႇ Dropbox ၼႆၶႃႈ။

sudo apt-get update && sudo apt-get install nautilus-dropbox