Windows 10 ဢၼ်တေၸၢင်ႈၸႂ်ႉလႆႈ ၼိူဝ် Mac

ၼႂ်းဝူင်ႈဝၢင်ႈၼႆႉ လုၵ်ႉတီႈ Apple သေ ႁဵတ်းဢွၵ်ႇပၼ် Boot Camp Version ဢၼ်မႂ်ႇ ဢၼ်တေၸၢင်ႈ ၸႂ်ႉ Microsoft Windows 10 တီႈၼိူဝ် Mac ၼႆယဝ်ႉ။ ပေႃးပဵၼ် Mac ဢၼ်ဢူၼ်းသႂ်ႇဝႆႉ Yosemite ဢၼ်လႂ်သေဢၼ်ဝႃႈ တေၸၢင်ႈဢဝ် Windows 10 တၢင်ႇသေ ၸႂ်ႉလႆႈ ၼႆယဝ်ႉ။ ၸိူဝ်းပဵၼ် ၶိူင်ႈ Tool ဢၼ်မႂ်ႇ ဢၼ်ပႃးမႃးၼႂ်း Boot Camp ၼႆႉ မၼ်းတေၸႅၵ်ႇဢဝ် ၶွင်ႉ Partition ဢိတ်းဢွၼ်ႇသေၵေႃႈ တေၸၢင်ႈဢဝ်ၸႂ်ႉ တွၼ်ႈတႃႇ iOS လႄႈတင်း Windows ၼႆယဝ်ႉ။ Software ဢၼ်ၼႆႉၼႆႉ ၽွင်းမၼ်း တႄႇပိုတ်ႇၶွမ်းမႃး မၼ်းတေ ႁဵတ်းႁႂ်ႈႁဝ်းၶႃႈ လိူၵ်ႈဢဝ်ဝႃႈ တေၶႂ်ႈၸႂ်ႉ OS ဢၼ်လႂ်ၼႆသေဢမ်ႇၵႃး ပေႃးၸႂ်ႉဝႆႉ OS ဢၼ်ၼိုင်ႈၼႆၵေႃႈ တႃႇတေဢဝ်ၸႂ်ႉ ၾၢႆႇၸိူဝ်းမီးၼႂ်း OS တၢင်ႇဢၼ်ၼၼ်ႉၵေႃႈ ႁဵတ်းဝႆႉ ႁႂ်ႈမၼ်းငၢႆႈငႅမ်ႈယူႇ။

ပေႃးဢူၼ်းသႂ်ႇယဝ်ႉ Boot Camp 6 ယဝ်ႉၼႆ တေၸၢင်ႈဢူၼ်းသႂ်ႇ Microsoft Windows 10 လႆႈယဝ်ႉ။ Boot Camp 6 ၼႆႉ မၼ်းတေၸၢင်ႈၸႂ်ႉတိုဝ်းလႆႈၼိူဝ်  ၶူဝ်းၶွင် Apple ၸိူဝ်းပဵၼ် MacBook Pro, MacBook Air, Mac Pro, MacBook, Mac Mini လႄႈ iMac ၸိူဝ်းဢၼ်ဢွၵ်ႇမႃးဝၢႆးလင် ပီ 2012 ၼၼ်ႉ ၼႆၶႃႈယဝ်ႉ။

ဢၼ်ပဵၼ် Boot Camp Assistant ၼႆႉ မၼ်းတေၸွႆႈထႅမ် လူတ်ႇလူင်းပၼ် Driver ဢၼ်တေလူဝ်ႇၸႂ်ႉ ၼၼ်ႉယဝ်ႉ။ လိူဝ်သေၼၼ်ႉဢမ်ႇၵႃး မၼ်းတေၸွႆႈထႅမ် ႁဵတ်းသၢင်ႈပၼ် တွၼ်ႈတႃႇၽူႈၸႂ်ႉတိုဝ်း Mac ဢၼ်ၸႂ်ႉတိုဝ်းဝႆႉ CPU ၶွင် Intel ၼႆယဝ်ႉ။ Boot Camp 6 ၼႆႉ မၼ်းၵမ်ႉထႅမ်ပၼ် Windows 10 ၵူၺ်းသေဢမ်ႇၵႃး ၸိူဝ်းပဵၼ် Windows 8 လႄႈ Windows 8.1 ၸိူဝ်းၼႆ့​သေ Windows 10 တႄႉၵေႃႈ မၼ်း ၵမ်ႉထႅမ်ပၼ် လႆႈလီၼႆယဝ်ႉ။ လိူဝ်ႈသေၼၼ်ႉ မၼ်းတေယုၵ်ႉပၼ် Driver ၸိူဝ်းပဵၼ် Hardware ၶွင် Apple သေၵွၼ်ႇၼႆဢေႃႈ။