လုၵ်ႉတီႈ ၽူႈၵမ်ႉထႅမ် ၵၢၼ်ၾူင်း Telenor ၶဝ် သိုပ်ႇမိုတ်ႇပၼ် ၶပ်ႉမၢႆ သူႇပႃႇပႂႃး ဢၼ်ဝႃႈၼၼ်ႉ ဢေႃႈ။ ထိုင်မႃးယမ်းလဵဝ် ၽူႈၸႂ်ႉတိုဝ်း သၼ်ၺႃး တႄႇလီႇၼေႃးၼႆႉ မီးမႃးထိုင် သိပ်းလၢၼ်ႉပၢႆယဝ်ႉ လႄႈ တေလႆႈဝႃႈ ၵူၼ်းၸႂ်ႉတိုဝ်း ၼမ်မႃးတႄႉတႄႉယူႇ။ ယွၼ်ႉပိူဝ်ႈၼၼ် လႄႈ ၼင်ႇႁိုဝ် ၵူၼ်းၸႂ်ႉ တိုဝ်းသၼ်ၺႃးတႄႇလီၼေႃး ၼင်ႇၵၼ် ႁႂ်ႈပေႃး ၵပ်းသိုပ်ႇၸူးၵၼ်လႆႈ ၵႃႈမၼ်းထုၵ်ႇထုၵ်ႇၼႆ ၶဝ် ၸင်ႇႁဵတ်း တိုဝ်ႉတၢင်းပၼ် တႃႇႁွင်ႉၾူင်းလႆႈ ၼိုင်ႈမိတ်ႉၼိတ်ႉ 18 ၵျၢပ်ႈ ၼႆဢေႃႈ။ ပေႃးဝႃႈ ဢမ်ႇၸႂ်ႈ သၼ်ၺႃး တႄႇလီၼေႃးသေ တေၵပ်းသိုပ်ႇၸူးတင်း သၼ်ၺႃးတၢင်ႇဢၼ်ၼႆတႄႉ တေတူၵ်းၸူဝ်ႈ ၼိုင်ႈမိတ်ႉၼိတ်ႉ 23 ၵျၢပ်ႈ ၼႆဢေႃႈ။
ဢၼ်ပဵၼ်တွၼ်ႈတႃႇ ၵွၼ်ႉသၢၼ်ၼဵတ်ႇၼႆၵေႃႈ တေၸၢင်ႈၸႂ်ႉ လႆႈ ၵွင်ႉသၢၼ်ဢၼ်ႁႅင်းဝႆးသေ 1 MB ၼႆႉ တေတူၵ်းၸူဝ်ႈ 6 ၵျၢပ်ႈ ၼႆၶႃႈဢေႃႈ။
သင်ၸိူဝ်ႉဝႃႈ ဢမ်ႇၶႂ်ႈၸႂ်ႉ ၶပ်ႉမၢႆ သူႇပႃႇပႂႃးယဝ်ႉၼႆၵေႃႈ ၸဝ်ႈၵဝ်ႇ တေၸၢင်ႈၶိုၼ်း လႅၵ်ႈလၢႆႈၸူး ၼင်ႇ ဢၼ်ၸဝ်ႈၵဝ်ႇ ယၢမ်ႈၸႂ်ႉၵူႈပွၵ်ႈပွၵ်ႈၼၼ်ႉၵေႃႈ လႆႈယူႇ။ ဢၼ်ပဵၼ် ၶပ်ႉမၢႆ သူႇပႃႇပႂႃး ႁင်း Telenor ၼႆႉ တႄႇပိုတ်ႇၸႂ်ႉမႃးပၼ် မိူဝ်ႈ ဝၼ်းထီႉ 19 လိူၼ်ဢေႃးၵျၢသ်ႉ ပီ 2015 ၼၼ်ႉၶႃႈ။ သင်ၸိူဝ်ႉ ဝႃႈ ၶႂ်ႈၸႂ်ႉ ၶပ်ႉမၢႆ သူႇပႃႇပႂႃးၼႆ သူင်ႇပၼ်လိၵ်ႈပွတ်း "SUP ON" တီႈမၢႆ 365 သေ သင်ၸိူဝ်ႉဝႃႈ ဢမ်ႇၶႂ်ႈ ၸႂ်ႉယဝ်ႉၼႆတႄႉ ၶိုၼ်းသူင်ႇလိၵ်ႈပွတ်းပၼ် "SUP OFF" တီႈမၢႆ 365 ၵေႃႈလႆႈယူႇၶႃႈ။ ပေႃးၶႂ်ႈတူၺ်း တီႈၵႂၢင်ႈမၼ်းတႄႉ ၵႂႃႇတူၺ်းၼင်ႇတီႈ ႁဵင်းၵွင်ႉhttp://goo.gl/wSGThj ဢၼ်ပၼ်ဝႆႉၼႆႉၵေႃႈ လႆႈယူႇ။
No comments:
Post a Comment