How to install dropbox in Ubuntu 12.10 (Quantal Quetzal)

ၵၢၼ်ႁဵၼ်းဢၼ်ၼႆ့ မၼ်းတေၼႄ လၢႆး တေႁဵတ်းႁိုဝ် ဢူၼ်းသႂ်ႇ Dropbox တီႈၼႂ်း ဢူးပုၼ်းတု Ubuntu 12.10 ။

သင်ၸိူဝ့်ဝႃႈ ၸဝ်ႈၵဝ်ႇပႆႇႁူႉဝႃႈ Dropbox ဢၼ်ဝႃႈၼႆ့ မၼ်းပဵၼ်ဢီႈသင်ၼႆ Dropbox ၼႆ့ မၼ်းပဵၼ် ၵၢၼ်သိမ်းပၼ်ၶေႃႈမုၼ်းႁဝ်း တီႈၼိူဝ် ပိုတ်ႇသၢႆ Online ၼႆၶႃႈယဝ့်။ မၼ်းတေသိမ်းဝႆ့လႆႈ ၽိုၼ်လိၵ်ႈ၊ ၶႅပ်းႁၢင်ႈလႄႈ ၸိူဝ်းပဵၼ် ၶေႃႈမုၼ်းတၢင်ၸိူဝ်း ၸၵႂႃႇၸိူဝ်းၼႆ့ၶႃႈယဝ့်။ တွၼ်ႈတႃႇတေသိမ်းဝႆ့ ၶေႃႈမုၼ်းႁဝ်းၸိူဝ်းၼၼ့် ႁဝ်းၶႃႈ ၸၢင်ႈလႆႈဢွင်ႈတီႈသိမ်း ဢၼ်မၵ်းၶၢၼ်းဝႆ့ပၼ်ႁဝ်းၼၼ့်။ မိူၼ်ၼင်ႇဝႃႈ ၽူႈၸႂ့်တိုဝ်းၼိုင်ႈၵေႃ့ မၼ်းမီးသုၼ်ႇ သိမ်းဝႆ့ ၶေႃႈမုၼ်းမၼ်း တီႈၼိူဝ် ပိုတ်ႇသၢႆ ၼိုင်ႈၵေႃ့ 5 GB ။ သင်ၸိူဝ့်ဝႃႈ ၶႂ်ႈၸႂ့်တိုဝ်း လိူဝ်သေၼၼ့်ၵႂႃႇၼႆ တေလႆႈပၼ်ငိုၼ်းသေ ၸႂ့်ၵႂႃႇ။ မၼ်းပဵၼ် ၼႃႈၵၢၼ် ပၢႆးမၢၵ်ႈမီးဢၼ်ၼိုင်ႈ။ ၵူၺ်းၵႃႈဝႃႈ မၼ်းၵေႃႈ ၶႅမ့်လႅပ်ႈသၢင်ႇထုၵ်ႇ တွၼ်ႈတႃႇ ၼႃႈၵၢၼ်ႁဝ်း။ ၶေႃႈမုၼ်းႁဝ်းၼၼ့် ဢမ်ႇတၢပ်ႇလူဝ်ႇ ပႃးၸပ်းတူဝ် ယူႇ တႃႇသေယဝ့်။ ပေႃးမီး ဢိၼ်ႇထိူဝ်ႇၼႅတ့် တီႈလႂ်ၵေႃႈ ၸႂ့်လႆႈ ဢဝ်လႆႈ သိမ်းလႆႈယဝ့်။

Install VirtualBox 4.2.2 in Ubuntu 12.10 (Quantal Quetzal)

ၵၢၼ်ႁဵၼ်း ဢၼ်ၼႆ့ မၼ်းတေၼႄ ၸဝ်ႈၵဝ်ႇၵႂႃႇ လၢႆးတေႁဵတ်းႁိုဝ် ဢူၼ်းသႂ်ႇ  VirtualBox ဢၼ်ဢွၵ်ႇမႃးၵမ်းလိုၼ်းၼႆ့ သႂ်ႇတီႈၼႂ်း Ubuntu 12.10 ၼႆၶႃႈ။

ပေႃးဝႃႈၸဝ်ႈၵဝ်ႇ ဢမ်ႇႁူ့ဝႃႈ VirtualBox ၼႆ့ ပဵၼ်သင်ၼႆ့ VirtualBox ၼႆ့ မၼ်းပဵၼ် သွပ့်ၾ်ဝႄးလ် ဢၼ်တႃႇတေ ၸႂ့်ၸၢမ်းတူၺ်း operating systems (Windows, Linux, Mac) တီႈၼိူဝ်ၶွမ်းႁဝ်း ဢၼ်ပဵၼ် Windows ဢမ်ႇၼၼ် Linux ၼၼ့်ၶႃႈ။

Install HandBrake in Ubuntu 12.10 (Quantal Quetzal)

ၵၢၼ်ႁဵၼ်း ဢၼ်ၼႆ့ ႁဝ်းၶႃႈတေၼႄ လၢႆးဢူၼ်းသႂ်ႇ ၶိူင်ႈပိၼ်ႇလႅၵ်ႈသိုဝ်ႇ HandBrake (ဢၼ်ပႆႇမီး PPA) တီႈၼႂ်း ဢူးပုၼ်းတု 12.10။

ႁၢၼ့်တေႃႇယၢမ်းၶႃႈႁဝ်းတႅမ်ႈၵၢၼ်ႁဵၼ်းၼႆ့တႄ့ PPA ဢၼ်ၵပ်းၵၢႆႇလူၺ်ႈ HandBreake တွၼ်ႈတႃႇ ဢူးပုၼ်းတု 12.10 ၼႆ့ မၼ်းပႆႇမီး။ ၵၢၼ်ႁဵၼ်းဢၼ်ၼႆ့တႄ့ မၼ်းတေၼႄ လၢႆးၸဝ်ႈၵဝ်ႇတေလႆႈႁဵတ်းႁိုဝ် လူတ်ႇလူင်း ထုပ့်ႁေႃႇ deb သေ တေႁဵတ်းႁိုဝ် ဢူၼ်းသႂ်ႇ တီႈၼႂ်း Ubuntu 12.10 ၼႆၶႃႈယဝ့်။ ၵၢၼ်ႁဵၼ်းၼႆ့တေၼႄၵႂႃႇ လၢႆးငၢႆႈလႄႈ လၢႆးဝႆးမၼ်း။

How to install Classic menu in 12.10 (Quantal Quetzal)

ပေႃးၸဝ်ႈၵဝ်ႇၶႂ်ႈႁူ့ဝႃႈ လၢႆးတေႁဵတ်းႁိုဝ်ဢဝ် သဵၼ်ႈၵၢၼ် Classic ဢၼ်ႁဵတ်းၵၢၼ်တီးၼႂ်း ဢူၼ်းပုၼ်းတု 12.10 ၼႆ့ၼႆ ၵၢၼ်ႁဵတ်းပွတ်းဢွၼ်ႇဢၼ်ၼႆ့ မၼ်းတေတႄၸဝ်ႈၵဝ်ႇၵႂႃႇယူႇ။

ၶိူင်ႈၸီ့ၼႄ သဵၼ်ႈၵၢၼ် Classic ၼႆ့ မၼ်းတေဢဝ် ဢၼ်ပဵၼ် သဵၼ်ႈၵၢၼ်  Classic Gnome မႃးသႂ်ႇၶိုၼ်းတီႈၼႂ်း ဢူးပုၼ်းတု ၸိူဝ်းဢမ်ႇမီး ၸိူဝ်းဢမ်ႇပႆႇလႆႈဢူၼ်းသႂ်ႇဝႆ့ သဵၼ်ႈၵၢၼ် Classic ၼႆၶႃႈယဝ့်။ ဢၼ်ၼႆ့ၼႆ့ မၼ်းၶဝ် တၢင်းတိုဝ်းတွၼ်ႈတႃႇ ပေႃးဝႃႈ ၸဝ်ႈၵဝ်ႇ ပဵၼ်ၵေႃ့ယၢမ်ႈၸႂ့်မႃး classic gnome ၼႆၶႃႈ။

ဢူၼ်းသႂ်ႇ Spotify Linux Client တီႈၼႂ်း ဢူပုၼ်းတု မၢႆ 12.10 (Quantal Quetzal)

ဢၼ်ၼႆ့တႄ့ၵေႃႈ ပဵၼ်ၵၢၼ်ႁဵၼ်း ဢၼ်တေၼႄၸဝ်ႈၵဝ်ႇ လၢႆးတေႁဵတ်းႁိုဝ် ဢူၼ်းသႂ်ႇ Spotify တွၼ်ႈတႃႇ Linux Ubuntu 12.10 ၼႆၶႃႈဢေႃႈ။ Spotify တွၼ်ႈတႃႇ Linux ၼႆ့ မၼ်းတႄႇႁႃၵေႃႇသၢင်ႈမႃးသေတႃ့ ပေၢးတီႈၼႂ်း Mac လႄႈ တင်း ဝိၼ်းတူဝ်းတႄ့ၵေႃႈ မၼ်းပဵၼ် ဢၼ်မၼ်ႈၵႅၼ်ႇၵမ်းလီယဝ့်။

ဢူၼ်းသႂ်ႇ Codecs တွၼ်ႈတႃႇ သိုဝ်ႇ တီႈၼႂ်း ဢူၼ်းပုၼ်းတု Ubuntu 12.10 (Quantal Quetzal)

ယွၼ့်ပိူဝ်ႈ လွင်ႈတၢင်းပၵ်းပိူင်သေဢၼ်ဢၼ်လႄႈ codecs မၢင်ၸိူဝ်းၼႆ့ မၼ်းဢမ်ႇပႃးမႃးၸွမ်းမိူဝ်ႈ ႁဵတ်းဢွၵ်ႇ ဢူၼ်းပုၼ်းတု ၼႆ့။ ၸဝ်ႈၵဝ်ႇတေလႆႈ ဢူၼ်းသႂ်ႇဢဝ် ႁင်းၵူၺ်း။ တွၼ်ႈတႃႇတေပိုတ်ႇလႆႈ ၽဵင်းၵႂၢမ်း MP3 လႄႈသင် တွၼ်ႈတႃႇတေတူၺ်းလႆႈငဝ်းတူၺ်း လႄႈ ငဝ်းတူင့် ၾလႅတ့်ရ် Flash တီႈၼိူဝ် ၶွမ်းၸဝ်ႈၵဝ်ႇၼၼ့်ၼႆၶႃႈ။

လူတ်ႇလူင်းဢဝ် ၵျၢမ်းလၢႆးၸႂ့် ဢူးပုၼ်းတု Ubuntu 12.10 -- Free

လူတ်ႇလူင်းဢဝ် ၵျၢမ်းလၢႆးၸႂ့် ဢူးပုၼ်းတု Ubuntu 12.10 -- Free

မိူဝ်ႈပူၼ့်မႃး ဝၼ်းၸဝ့်ၼၼ့် ဢူၼ်းပုၼ်းတု မၢႆ 12.10 (Quantal Quetzal) ပိုၼ်ဢွၵ်ႇမႃးယဝ့်။ သင်ၸိူဝ့်ဝႃႈ ၸဝ်ႈၵဝ်ႇတေပဵၼ်ၸႂ့် ဢူးပုၼ်းတု ဢၼ်ဢွၵ်ႇမႂ်ႇမႃးၼၼ့်ၼႆ ၸဝ်ႈၵဝ်ႇ တေၸၢင်ႈလူဝ်ႇ တၢင်းၸွႆႈထႅမ်ယူႇမၢင်ၸိူဝ်း။ ၽူတ့်ဢၼ်ၼႆ့တႄ့ၵေႃႈ မၼ်းတေၼႄဝႃႈ ႁဝ်းၶႃႈတေႁဵတ်းႁိုဝ်ထုတ်ႇဢဝ် ၵျၢမ်းလၢႆးၸႂ့် Ubuntu 12.10 ဢၼ်လႆႈၸႂ့်လၢႆ ဢၼ်မီးတီႈၼိူဝ် ပိုတ်ႇသၢႆၼၼ့်ၼႆၶႃႈဢေႃႈ။

တွၼ်ႈတႃႇတေလူတ်ႇလူင်းဢဝ်မၼ်းၼၼ့် ၶႅၼ်းတေႃႈ ၼဵၵ်းပၼ်တီႈၼႆႈ သေၵမ်းၶႃႈ။

ဢၼ်ၼႆ့ၼႆ့ မၼ်းပဵၼ် ၵျၢမ်းဢၼ်တဵမ်ထူၼ်ႈ တွၼ်ႈတႃႇ ၽူႈတႄႇၸႂ့် Ubuntu 12.10 ၼႆၶႃႈယဝ့်။

ၵွင့်သၢႆမၼ်းမီးတီႈၼႆႈၶႃႈ။

http://ubuntu-manual.org/

Insync: Google Drive Linux Client Beta 9 ပိုၼ်ဢွၵ်ႇမႃးယဝ့်

မိူဝ်ႈပူၼ့်မႃး သွင်သၢမ်လိူၼ်ၼၼ့် ႁဝ်းၶႃႈတႅမ်ႈမႃႈ လွင်ႈ Insync ယဝ့်။ မၼ်းၼႆ့ပဵၼ် Google Drive client တွၼ်ႈတႃႇ ပိူင်သၢင်ႈ Linux ၼႂ်း ဢူးပုၼ်းတု ၵေႃႈပႃးၼင်ႇၵဝ်ႇ။ ၵမ်းၼႆ့မႃးတႄ့ Insync ဢၼ်ပဵၼ် ပီႇထႃႇ 9 (0.9.24) ဢွၵ်ႇမႃးယဝ့်လႄႈ ႁဝ်းၶႃႈတေၶႂ်ႈတႅမ်ႈၼႄ လၢႆးဢူၼ်းသႂ်ႇ တီႈၼိူဝ် ဢူးပုၼ်းတု 12.10 (Quantal Quetzal) ၼႆၶႃႈ။

တီႈၼႂ်း မၢႆဢွၵ်ႇဢၼ်ၼႆ့ မႄးၶိုၼ်းဝႆ့ လၢႆးႁဵတ်းၵၢၼ်မၼ်း ၵမ်ႈၽွင်ႈ။ မိူၼ်ၼင်ႇ ပႃးမႃး symlinks ဢၼ်ဢမ်ႇၸႂ်ႈ live syncing ၼၼ့်ၶႃႈ။ ဢၼ်ပဵၼ် သဵၼ်ႈသၢႆ Context တွၼ်ႈတႃႇ Nautilus ၼၼ့်ၵေႃႈ မၼ်းဢမ်ႇၼႄယဝ့်။ လွင်ႈၽိတ်းပိူင် GLIBC ၸိူဝ်းၼႆ့ၵေႃႈ မႄးဝႆ့ပၼ်။

ပေႃးၸဝ်ႈၵဝ်ႇ ၶႂ်ႈတူၺ်း သဵၼ်ႈၶပ့်လႅၵ်ႈလၢႆႈ တဵမ်တဵမ်ထူၼ်ႈထူၼ်ႈၼႆ ၼဵၵ်းတီႈၼႆႈ သေတူၺ်းလႆႈယူႇၶႃႈ။

Incync ၼႆ့ မၼ်းတေႁဵၻ်းႁႂ်ႈ ၸဝ်ႈၵဝ်ႇ ၶူၼ်ႈၽဵင်ႇ (synchronize) လႆႈ ဢၼ်ပဵၼ် Google Drive ၸဝ်ႈၵဝ်ႇ တီႈၼႂ်း ဢူးပုၼ်းတု ၼႆၶႃႈယဝ့်။ ဢၼ်ၼႆ့ၼႆ့ မၼ်းပဵၼ် လွင်ႈလီ လွင်ႈၶႅမ့် ဢၼ်ပဵၼ် Google Drive Linux client ဢၼ်ႁဝ်းၶႃႈ ၸႂ့်ယူႇ ဝၼ်းမိူဝ်ႈၼႆ့ၼႆၶႃႈယဝ့်။


ၵၢၼ်သၢင်ႈ

ဢူၼ်းသႂ်ႇ Insync (Google Drive Linux Client) တီႈၼႂ်း ဢူးပုၼ်းတု Ubuntu 12.10
ၸႂ့်တူၺ်း

တွၼ်ႈတႃႇႁဝ်းၶႃႈတေတႄႇ ၵၢၼ်ႁဵၼ်းဢၼ်ၼႆ့ၼႆ့ ဢွၼ်တၢင်းသုတ်း ႁဝ်းၶႃႈ တေလႆႈပိုတ်ႇ ထႃႇမီႇၼိူဝ်ႇၼႆလႄႈ ႁဝ်းၶႃႈၵႂႃႇၼဵၵ်းပၼ် Ctrl + Alt+ T ဢၼ်မီးတီႈၼိူဝ် ၶီးပူတ့်ႁဝ်းၼၼ့်ၶႃႈ။ ပေႃးထႃႇမီႇၼိူဝ်ႇ Terminal ပိုတ်ႇမႃးၼႆ ႁဝ်းၶႃႈၵႂႃႇပေႃ့ ၶေႃႈပူင် Command တွၼ်ႈတႃႇတေထႅမ်သႂ်ႇ PPA ၸွမ်းၼင်ႇပႃႈတႂ်ႈၼႆ့ၶႃႈ။

sudo apt-add-repository ppa:trebelnik-stefina/insync

ၵမ်းလိုၼ်းသုတ်းမႃး ႁဝ်းၶႃႈ ပေႃ့သႂ်ႇ ၶေႃႈပူင် Command တွၼ်ႈတႃႇတေႁဵတ်း ဢၢပ့်တဵၵ့် ပိူင်ႈသၢင်ႈၸဝ်ႈၵဝ်ႇ လႄႈ တွၼ်ႈတႃႇတေဢူၼ်းသႂ်ႇ Insync ၼႆၶႃႈယဝ့်။

sudo apt-get update && sudo apt-get install insync-beta-ubuntu

ၸႂ့်တိုဝ်းၸၢမ်းတူၺ်းၶႃႈလႄႈ။ မုင်ႈမွင်းတေ ၶဝ်ႈတၢင်းတိုဝ်းယူႇၶႃႈ။

တေႁဵတ်းႁိုဝ် ဢူၼ်းသႂ်ႇ qBittorrent 3.0.0

qBittorrent 3.0.0 ပိုၼ်ဢွၵ်ႇမႃးယဝ့်။ တေႁဵတ်းႁိုဝ် ဢူၼ်းသႂ်ႇ တီႈၼိူဝ် ဢူးပုၼ်းတု Ubuntu 12.04

qBittorrent ၼႆ့မၼ်းပိူင် ၵလၢႆးယႅၼ့် Client တွၼ်ႈတႃႇ BitTorrent ဢၼ်ႁဵတ်းၵၢၼ်လႆႈတီႈၼိူဝ် ပိူင်ႈသၢင်ႈလၢႆဢၼ် မိူၼ်ၼင်ႇ Windows, Mac လႄႈ Linux. ဢၼ်ၼႆ့ၵေႃႈမၼ်းမိူၼ်င်ႇ uTorrent ဢၼ်ႁဝ်းလႆႈႁၼ်တီႈၼိူဝ်ပိူင်ႈသၢင်ႈ Mac တင်း Windows ၼၼ့်ၶႃႈယဝ့်။

တီႈၼႆႈၼႆ့ ၶႃႈႁဝ်းတေၼႄ လၢႆးဢူၼ်းသႂ်ႇ တီႈၼိူဝ် ဢူးပုၼ်းတု Ubuntu 12.04 (Precise Pangolin). သင်ၸိူဝ်းၶႂ်ႈတူၺ်း changelog ဢၼ်ၵပ်းၵၢႆႇလူၺ်ႈၼႆ့ၸိုင် ၼဵၵ်းတီႈၼႆႈ သေၵမ်း။

ၵၢင်ႈသၢင်ႈ:

ဢူၼ်းသႂ်ႇ qBittorrent တီႈၼိူဝ် Ubuntu 12.04
ၸႂ့်ၸၢမ်းတူၺ်း!

လၢႆးဢူၼ်းသႂ်ႇမၼ်း ၶႃႈႁဝ်းတေသပ်းလႅင်းၼႄၵႂႃႇပၼ် သွင်လၢႆး။ တေသပ်းလႅင်းပၼ်ၵႂႃႇ GUI လႄႈတင်း CI တင်းသွင်လၢႆး။ မၼ်းငၢႆႈၽႂ်ငၢႆႈမၼ်း။ မၼ်းယၢမ်ႈၽႂ် ယၢမ်ႈမၼ်း။ GUI တေ့ ႁဝ်းၶႃႈတူၺ်းႁၢင်ႈ မၼ်းသေ ၵူၺ်းတေလႆႈ ၼဵၵ်းပၼ် ၼဵၼ် Button မၼ်းသေ ဢူၼ်းသႂ်ႇၵႂႃႇၵူၺ်း။ CLI တေ့ၵေႃႈ ႁဝ်းၶႃႈ တေလႆႈပေႃ့သႂ်ႇ ၶေႃႈပူင် Command Line သေၵေႃႈ ဢူၼ်းသႂ်ႇၵႂႃႇ။

ဢွၼ်တၢင်းသုတ်း ၶႃႈႁဝ်းတေၶႂ်ႈ ၸႂ့် GUI သေ ဢူၼ်းသႂ်ႇၼေၵႂႃႇ။ တႃႇတေဢူၼ်းသႂ်ႇ qBittorrent ၼႆ့ ဢွၼ်တၢင်းသုတ်း ႁဝ်းၶႃး တေလႆႈၵႂႃႇတီႈ ငဝ်ႈတီႈသွပ့်ၾ်ဝႄးလ် ဢူးပုၼ်းတု ၼၼ့်လႄႈ ႁဝ်းၶႃႈၵႂႃႇ ၵႂႃႇၼဵၵ်း ႁၢင်ႈႁိင်ႈ ဢၼ်ပဵၼ် ငဝ်ႈတီႈ သွပ့်ၾ်ဝႄးလ် ဢူးပုၼ်းတု Ubuntu Software Center ၼၼ့်ၶႃႈ။

 

ပေႃးငဝ်ႈတီႈ သွပ့်ၾ်ဝႄးလ် ဢူးပုၼ်းတု ဢွၵ်ႇမႃးၼႂ် တၢင်းၶၢင်ႈၽၢႆႇသၢႆ့ၼၼ့် တေလႆႈႁၼ် ၵၼ် ၸိူဝ်းဢၼ်မီးဝႆ့ယူႇယဝ့်။ ၼႂ်းၵႃႈၵၼ်ၸိူဝ်းၼၼ့် ၵႂႃႇလိူၵ်ႈ ဢဝ် ဢိၼ်ႇထိူဝ်ႇၼႅတ့် ဢၼ်ဝႃႈၼၼ့်သေ ၵႂႃႇပေႃ့သႂ်ႇ တီႈၼႂ်းလွၵ်းသွၵ်ႈႁႃဝႃႈ qBitTorrent ၼႆၵေႃႈ မၼ်းတေဢွၵ်ႇမႃးၶႃႈယဝ့်။

ပေႃးမၼ်းဢွၵ်ႇမႃးၼႆ တေလႆႈႁၼ် လွၼ့်ၶၢဝ်ႇ ဢၼ်ၵပ်းၵၢႆႇမၼ်းသေ ပေႃးၶႂ်ႈတူၺ်း လွၼ့်ၶၢဝ်ႇတဵမ်ထူၼ်ႈၼႆတႄ့ သိုပ်ႇၼဵၵ်းပၼ်တီႈ လွၼ့်ၶၢဝ်ႇ တၢင်ႇၸိူဝ်း ၼၼ့်ၶႃႈ။ ပေႃးဝႃႈ ဢမ်ႇၶႂ်ႈတူၺ်းသေ တေဢူၼ်းသႂ်ႇ ႁဵတ်း Install ၼႆၵေႃႈ ၼဵၵ်းပၼ်တီႈၼဵၼ် Install ၼႆၵေႃႈ မၼ်းတေ ဢူၼ်းသႂ်ႇ ၵႂႃႇယူႇယဝ့်။

ပေႃးမၼ်းဢူၼ်းသႂ်ႇယဝ့်ၵႂႃႇယဝ့်ၼႆ ႁဝ်းၶႃႈတေလႆႈႁၼ် မၢႆၶၼ်ႇၶဵဝ်ၶဵဝ် တေဢွၵ်ႇမႃးတီႈ ႁၢင်ႈႁိင်ႈ မၼ်းၼႆယဝ့်။ ပေႃးပဵၼ်ၼၼ်တႄ့ တေလႆႈဝႃႈ ႁဝ်းၶႃႈ ဢူၼ်းသႂ်ႇယဝ့် ၶႅမ့်လႅပ်ႈယဝ့်ၼႆၶႃႈ။

ပေႃးၼၼ် ၶိုၼ်းၵႂႃႇတီႈ Dash သေၵေႃႈ ၵႂႃႇပေႃ့သႂ်ႇတူၺ်း qBitTorrent ၼႆ တေလႆႈႁၼ် ႁၢင်ႈႁိင်ႈမၼ်းဢွၵ်ႇမႃးသေ မၼ်းပဵၼ် ဢၼ်တူဝ်ႈတၼ်း တႃႇတေၸႂ့်မၼ်းယဝ့်ၼႆၶႃႈဢေႃႈ။ ၼႆ့တေ့ မၼ်းပဵၼ် လၢႆးၸႂ့် GUI သေ ဢူၼ်းသႂ်ႇ qBitTorrent ၼႆၶႃႈယဝ့်။

ၵမ်းၼႆ့ ႁဝ်းၶႃႈ ၸႂ့် CLI သေၵေႃႈ ဢူၼ်းသႂ်ႇတူၺ်း။ တႃႇတေတႄႇ ဢူၼ်းသႂ်ႇမၼ်းၼႆ့ ဢွၼ်တၢင်းသုတ်း ႁဝ်းၶႃႈၼဵၵ်း Ctrl + Alt + T ဢၼ်မီးတီႈ ၼိူဝ် ၶီးပူတ့် Keyboard သေၵေႃႈ ပိုတ်ႇ ထႃႇမီႇၼိူဝ်ႇ Terminal ႁဝ်းၶႃႈ။ ပေႃးထႃႇမီႇၼိူဝ်ႇ ပိုတ်ႇဢွၵ်ႇမႃးယဝ့်ၼႆ ပေႃ့ၶေႃႈပူင် Command တွၼ်ႈတႃႇတေ ထႅမ်သႂ်ႇ PPA ၼႆၶႃႈ။

sudo add-apt-repository ppa:hydr0g3n/ppa

ၵမ်းလိုၼ်းသုတ်းမႃး ၶိုၼ်းပေႃ့ ၶေႃႈပူင်ၸိူင့်ၼင်ႇ ပႃႈတႂ်ႈၼႆ့ တွၼ်ႈတႃႇတေႁဵတ်း ဢၢပ့်တဵၵ့် ပိူင်ႈသၢင်ႈၸဝ်ႈၵဝ်ႇလႄႈ တွၼ်ႈတႃႇတေဢူၼ်းသႂ်ႇ qBitTorrent ၼႆၶႃႈယဝ့်။

sudo apt-get update && sudo apt-get install qbittorrent

 ၸႂ့်ၸၢမ်းတူၺ်း ႁႂ်ႈႁၢၼ့်ၸႂ်သေၵမ်း!

ၸႂ့် Ubuntu Tweak သေ ထွၼ်ပႅတ်ႈ Kernels ဢၼ်ၵဝ်ႇ ဢၼ်မီးဝႆ့ ၼႂ်း Ubuntu 12.10

ပေႃးၸဝ်ႈၵဝ်ႇ ယုၵ့်သုင် ဢူးပုၼ်းတု ဢၼ်ဢွၵ်ႇမႂ်ႇလႄႈ တိုၵ့်ၸႂ့်ယူႇယၢမ်းလဵဝ်ၼႆ ၼႂ်းပိူင်သၢင်ႈၸဝ်ႈၵဝ်ႇၼၼ့် မၼ်းတေမီးဝႆ့ Kernels ဢၼ်ၵဝ်ႇ ဢၼ်ဢမ်ႇၶဝ်ႈတၢင်းတိုဝ်း လႄႈ ဢၼ်တေဢမ်ႇၸႂ့်ထႅင်ႈၼၼ့်။

ၸႂ့်တိုဝ်း Ubuntu Tweak သေၵေႃႈ ၶႃႈႁဝ်းတေၼႄ ၵၢၼ်ႁဵၼ်း ပိတ်းပွတ်းဢိတ်းဢွတ်းၵႂႃႇ တွၼ်ႈတႃႇ ၸဝ်ႈၵဝ်ႇတေႁဵတ်းႁိုဝ် ထွၼ်ပႅတ်ႈ Kernels ဢၼ်မီးတီႈ ဢူးပုၼ်းတု Ubuntu 12.04 / 12.10 ငၢႆႈငၢႆႈလူမ်လူမ်ၼႆၶႃႈယဝ့်။ သင်ၸိူဝ့်ဝႃႈ ၼႂ်းပိူင်ႈသၢင်ႈၸဝ်ႈၵဝ်ႇၶဝ်ၼႆ့ မီးဝႆ့ Kernels ဢၼ်ၵဝ်ႇ ဢၼ်ဢမ်ႇၸႂ့်ၺႃးသေၼႆ မၼ်းဢဝ်တီႈယူႇဝႆ့ ၼႂ်းပိူင်သၢင်ႈၸဝ်ႈၵဝ်ႇလၢႆလၢႆၼႆၶႃႈယဝ့်။

ၵၢၼ်သၢင်ႈ:

- ဢူၼ်းသႂ်ႇ Ubuntu Tweak
- လၢင့်ၶိုၼ်း ပိူင်သၢင်ႈၸဝ်ႈၵဝ်ႇ
- ၸႂ့်တိုဝ်းၸၢမ်းတူၺ်း


တွၼ်ႈတႃႇတေတႄႇသၢင်ႈ ၵၢၼ်ႁဵၼ်းပိတ်းပွတ်းဢိတ်းဢွတ်းၼႆ့ ဢွၼ်တၢင်းသုတ်း ၼဵၵ်းပၼ်  Ctrl + Alt + T ဢၼ်မီးတီႈၼိူဝ် ၶီးပူတ့် keyboard တွၼ်ႈတႃႇတေပိုတ်ႇ ထႃႇမီႇၼိူဝ်ႇ terminal ၼၼ့်ၶႃႈ။ ပေႃးထႃႇမီႇၼိူဝ်ႇ ပိုတ်ႇမႃးယဝ့်ၼႆ တႃတေထႅမ်သႂ်ႇ Ubuntu Tweak PPA ၼၼ့် ပေႃ့သႂ်ႇ ၶေႃႈပူင် commands ၸွမ်းၼင်ႇပႃႈတႂ်ႈၼႆ့။

sudo add-apt-repository ppa:tualatrix/ppa


ထႅင်ႈၸၼ့်ၼိုင်ႈၼႆ့ တွၼ်ႈတႃႇတေ ဢူၼ်းသႂ်ႇ Ubuntu Tweak လႄႈ တွၼ်ႈတႃႇတေႁဵတ်း ဢၢပ့်တဵၵ့် ပိူင်ႈသၢင်ႈၸဝ်ႈၵဝ်ႇၼၼ့် သိုပ်ႇပေႃ့ပၼ် ၶေႃႈပူင်ႇ Commands ၸွမ်းၼင်ႇပႃႈတႂ်ႈၼႆ့

sudo apt-get update && sudo apt-get install ubuntu-tweak


ဝၢႆးသေဢူၼ်းသႂ်ႇယဝ့် ၵႂႃႇတီႈ Dash သေ သိုပ်ႇပိုတ်ႇ Ubuntu Tweak

 

ပေႃး Ubuntu Tweak ပိုတ်ႇမႃး သိုပ်ႇလိူၵ်ႈပၼ် Janitor tab သေ လိူၵ်ႈပၼ် Old Kernel သေၵေႃႈ ထွၼ်ပႅတ်ႈလႆႈမူတ်းမူတ်းယူႇယဝ့်။

ၸဝ်ႈၵဝ်ႇ ၽၢင့်တူၺ်းဝႃႈ ၸဝ်ႈၵဝ်ႇ တေလႆႈၶိုၼ်း ဢွင်ႈပဝ်ႇၵႃႈႁိုဝ် ဢၼ်ဝႃႈၼၼ့်ၶႃႈ။


ၸႂ့်တိုဝ်း ႁႂ်ႈႁၢၼ့်ၸႂ်သေၵမ်း။

လၢႆးႁဵတ်း Dual Booting Windows 7 လႄႈ Ubuntu 12.10 (Quantal Quetzal)

လၢႆးႁဵတ်း Dual Booting Windows 7 လႄႈ Ubuntu 12.10 (Quantal Quetzal)

ဢၼ်ၼႆ့ၼႆ့ မၼ်းပဵၼ် ၵၢၼ်ႁဵၼ်း ဢၼ်တေၼႄၸဝ်ႈၵဝ်ႇဝႃႈ လၢႆးတေႁဵတ်းႁိုဝ်ႁဵတ်း Dual boot Ubuntu 12.10 (Quantal Quetzal) လႄႈ Windows 7.
လွင်ႈဝႃႈႁဵတ်း Dual boot ဢၼ်ပဵၼ်ဢၼ်ၸႂ့် OSs သွင်ဢၼ် တီႈၼိူဝ်ၶွမ်းလုၵ်ႈလဵဝ် ဢၼ်ဝႃႈၼႆ့တႄ့ မၼ်းႁဵတ်းႁႂ်ႈႁဝ်း ယႃႇလႆႈၸႂ့်ငိုၼ်းတွင်း တွၼ်ႈတႃႇ ၶူဝ်းၶွင်ၶိူင်ႈၸႂ့် ဢၼ်ဢမ်ႇမိူၼ်ၵၼ်ၼၼ့်ၶႃႈယဝ့်။

ၶေႃႈဢၼ်တေလႆႈတွင်းဝႆ့ လမ်ႇလမ်ႇလွင်ႈလွင်ႈ မိူဝ်ႈႁဝ်းတေႁဵတ်း dual boot ဢၼ်ပဵၼ် Windows 7 လႄႈ Ubuntu ၼႆ့ Windows တေလႆႈ ဢူၼ်းသႂ်ႇဝႆ့ ဢွၼ်တၢင်း Ubuntu လႄႈ ႁဝ်းၶႃႈတေလႆႈၵႂႃႇႁဵတ်း တီႈၼၼ်ၼၼ့်ၶႃႈယဝ့်။ ၵွပ်ႈၼၼ်လႄႈ မိူဝ်ႈၸဝ်ႈၵဝ်ႇပႆႇၵႂႃႇႁဵတ်းတၢင်ႇလွင်ႈ တၢင်ဢၼ်ၼၼ့်  ဢွၼ်တၢင်းသုတ်း ၸဝ်ႈၵဝ်ႇ တေလႆႈဢူၼ်းသႂ်ႇဝႆ့ယဝ့် Windows 7 သေ တေလႆႈၵႂႃႇႁဵတ်းဝႆႉပၼ် ဢွင်ႇပဝ်ႇ ဢၼ်တႃႇ ဢူၼ်းသႂ်ႇ Ubuntu ၼၼ့်ၶႃႈယဝ့်။ ဢၼ်လမ်ႇလွင်ႈထႅင်ႈဢၼ်ၼိုင်ႈၼႆ့ ၼိူဝ် ပိူင်ႈသၢင်ႈၸဝ်ႈၵဝ်ႇၼၼ့် တေလႆႈမီးဝႆ့ ဢွင်ႈတီႈသိမ်း RAM တဵမ်တဵမ်ထူၼ်ႈထူၼ်ႈ ၼႆၶႃႈယဝ့်။

ၵၢၼ်သၢင်ႈ:

- ႁဵတ်း Dual boot တွၼ်ႈတႃႇ Windows 7 လႄႈ Ubuntu 12.10
- ၸႂ့်တိုဝ်းၸၢမ်းတူၺ်း

တွၼ်ႈတႃႇတေတႄႇႁဵတ်း ၵၢၼ်သၢင်ႈဢၼ်ၼႆ့ၼႆ့ ဢွၼ်တၢင်းသုတ်း သင်ဝႃႈႁဝ်းၶႃႈ ပဵၼ်ၵေႃ့ၸႂ့်တိုဝ်း ဝိၼ်းတူဝ်းတၢင်းသဵင်ၼႆ ႁဝ်းၶႃႈတေလႆႈႁဵတ်း Shrink ဢၼ်ပဵၼ် Partition ၼႂ်းဝိၼ်းတူဝ်းၼၼ့်ၶႃႈယဝ့်။ တွၼ်ႈတႃႇတေႁဵတ်းၵၢၼ်ၼၼ့် ၼဵၵ်း Start -> သိုပ်ႇၼဵၵ်း ၶလိၵ့်ၽၢႆၶႂႃ တီႈၼိူဝ် Computer သေ လိူၵ်ႈပၼ် Manage ၼၼ့်ၶႃႈ။



ဝၢႆးသေၼၼ့် သိုပ်ႇလိူၵ်ႈပၼ် Disk Management သေ ၼဵၵ်းပၼ် ၶလိၵ့် ၽၢႆၶႂႃ တီႈၼိူဝ် (C:) သေ လိူၵ်ႈပၼ် Shrink Volume ၼၼ့်ၶႃႈ။



ၵမ်းလိုၼ်းသုတ်းမႃး ႁဝ်းၶႃႈတေလႆႈႁဵတ်း ၶွင့် ၽၢတ်ႇတေးသျိၼ်း တွၼ်ႈတႃႇ ဢူးပုၼ်းတု။ တီႈၼႆႈၼႆ့ ၸဝ်ႈၵဝ်ႇတေလႆႈႁဵတ်းပၼ် ဢွင်ႈတီႈ ၶွင့် Storage ဢၼ်မၼ်း တွၼ်ႈတႃႇဢူးပုၼ်းတု သေဢမ်ႇၵႃး တီႈပဝ်ႇ တွၼ်ႈတႃႇ ဝိၼ်းတူဝ်းၵေႃႈ တေလႆႈဝႆ့ပၼ်ၼင်ႇၵဝ်ႇ။

ဝၢႆးသေၼၼ့် ႁဵတ်း Shutdown ဢၼ်ပဵၼ် ၶိူင်ႈၸၢၵ်ႈဝိၼ်းတူဝ်း လႄႈ ဢဝ်ၶႅပ်း CD / DVD Ubuntu သႂ်ႇသေၵေႃႈ ႁဵတ်း ပုတ့် boot ၼႂ်းၶႅပ်းၼၼ့်ၶႃႈ။

ပေႃးဝႃႈ Screen ၸွမ်းၼင်ႇ ပႃႈတႂ်ႈၼႆ့ ၼႄမႃးၼႆ ႁဝ်းၶႃႈ သိုပ်ႇလိူၵ်ႈပၼ် ' Something else ' သေ ၼဵၵ်းၶလိၵ့် ' Continue '


ဝၢႆးသေၼၼ့် လိူၵ်ႈပၼ် 'free space' သေ ၼဵၵ်းၶလိၵ့် (+) တွၼ်ႈတႃႇ ၵေႃႇသၢင်ႈ ၽၢတ့်တေးသျိၼ်းဢၼ်မႂ်ႇ တွၼ်ႈတႃႇ ဢူးပုၼ်းတု Ubuntu.

ပေႃး ၽိဝ်ၼႃႈ screen ၸွမ်းၼင်ႇပႃႈတႂ်ႈၼႆ့ဢွၵ်ႇမႃး လိူၵ်ႈပၼ် partition size ၼၼ့်ၶႃႈ။ ပေႃးယဝ့် လိူၵ်ႈပၼ် Primary သေ တီႈ mount point rool ၼၼ့် သႂ်ႇပၼ် (/) ။ ဢၼ်ၼၼ့်ၼၼ့် မၼ်းပဵၼ် တီႈဢၼ် Ubuntu တေဢူၼ်းသႂ်ႇ ၶဝ်ႈမႃးဢဝ် တီႈယူႇၼၼ့်ၶႃႈယဝ့်။ တွၼ်ႈတႃႇဢွင်ႈတီႈမၼ်းတႄ့ ႁဵတ်းႁႂ်ႈယႂ်ႇ လီဢိတ်းၼိုင်ႈ။ ပေႃးၸိူင့်ၼၼ် ဢူးပုၼ်းတု ၸင်ႇၵႆႈၸၢင်ႈ ဢူၼ်းသႂ်ႇၼိူဝ်မၼ်းလႆႈ။ ၸႂ့်ပၼ် တွၼ်ႈတႃႇ ဢွင်ႈတီႈ (/) ၼႆ့ ႁႂ်ႈမၼ်းပေႃးထိုင် ႁူဝ်ပၢၵ်ႇ ၵဝ်ႈသိပ်းၵေႃႈလီယူႇယဝ့်။


 

သိုပ်ႇသေလႄႈ ၶိုၼ်းလိူၵ်ႈပၼ် ဢၼ်ၵိုတ်း ႁူဝ်ပၢၵ်ႇ သိပ်းၼိုင်ႈၼၼ့်သေ ၶိုၼ်ၼဵၵ်းပၼ် ႁၢင်ႈမၢႆလေႃး plus ၼၼ့် တွၼ်ႈတႃႇတေၵေႃႈသၢင်ႈ swap partition ၼႆၶႃႈယဝ့်။ ပေႃးဢမ်ႇမီး swap partition ၼႆ Ubuntu မၼ်းဢမ်ႇႁဵတ်းၵၢၼ်လႆႈလီလီ။


 

ပေႃးမၼ်းၼႄမႃးထႅင်ၼႆ့ သိုပ်ႇလိူၵ်ႈပၼ် free space ဢွင်ႈပဝ်ႇသေ ၸႂ့်ႁႂ်ႈမၼ်းပဵၼ် swap။ ဝၢႆးသေၼၼ့် ၼဵၵ်းပၼ် OK ။


 

ၵမ်းလိုၼ်းသုတ်းမႃး ႁဝ်းၶႃႈ လိူၵ်ႈ ၽၢတ်ႇတေးသျိၼ်း ext4 သေ ၼဵၵ်းၶလိၵ့် Install Now' တွၼ်ႈတႃႇတေဢူၼ်းသႂ်ႇ ဢူးပုၼ်းတု ၼိူဝ်မၼ်းၼၼ့်ၶႃႈ။


 

ၸွမ်းၼင်ႇ မၼ်းၸႂ့်ႁဵတ်းၼၼ့် ၸွမ်းႁဵတ်းပၼ် ႁၢၼ့်တေႃႇပေႃးယဝ့်ၼၼ့်ၶႃႈ။ ယဝ့်ၵေႃႈ ၶိုၼ်းတႄႇပိုတ်ႇ ၶွမ်းႁဝ်းသေ ၸဝ်ႈၵဝ်ႇတေလႆႈႁၼ် boot prompt ဢၼ်ပဵၼ် Windows လႄႈ Ubuntu တွၼ်ႈတႃႇတေလိူၵ်ႈလႆႈဝႃႈ တေၶႂ်ႈႁဵတ်းပုတ့် တီႈလႂ်ဢၼ်ဝႃႈၼၼ့်ၶႃႈယဝ့်။

ၸႂ့်ၸၢမ်းတူၺ်း ႁႂ်ႈႁၢၼ့်ၸႂ်သေၵမ်း...

ၵင်းပႅတ်ႈ Overlay Scrollbar ဢၼ်မီးတီႈၼႂ်း ဢူးပုၼ်းတု Ubuntu 12.10 (Quantal Quetzal)

ၵၢၼ်ႁဵၼ်း ပိတ်းပွတ်းဢိတ်းဢွတ်း ဢွၼ်ႇဢၼ်ၼႆ့ မၼ်းတေၼႄတႃႇ ၸဝ်ႈၵဝ်ႇ တေႁဵတ်းႁိုဝ် ၵင်းပႅတ်ႈ Overlay scrollbar တီႈၼႂ်း ဢူးပုၼ်းတု Ubuntu 12.10 Quantal Quetzal ၼႆၶႃႈယဝ့်။ သင်ၸိူဝ့်ဝႃႈ ၸဝ်ႈၵဝ်ႇ ယၢမ်ႈၸႂ့်တိုဝ်းမႃး regular scrollbar မိူဝ်ႈ မၢႆဢွၵ်ႇ Version ဢၼ်ၵဝ်ႇၼၼ့်သေ ယၢမ်းလဵဝ် သင်ၸိူဝ့်ဝႃႈ ၸဝ်ႈၵဝ်ႇသမ့်ၶႂ်ႈ ၵၢင်းပႅတ်ႈ ဢၼ်ပဵၼ်လၢႆးႁဵတ်းၵၢၼ် Overlay ဢၼ်ပႃးမႃး တီႈၼႂ်းဢူးပုၼ်းတု ဢွၵ်ႇမႂ်ႇ မၢႆ 12.10 ၼႆ တေလႆႈၸႂ့် လွၵ်းလၢႆးၼႆ့ယဝ့်။

ၵၢၼ်သၢင်ႈ:

- ၵၢင်းပႅတ်ႈ Overlay scrollbar တီႈၼႂ်း ဢူးပုၼ်းတု Ubuntu 12.10
- ၸႂ့်တိုဝ်းၸၢမ်းတူၺ်း

တႃႇတေတႄႇသၢင်ႈ ၵၢၼ်ႁဵတ်းပိတ်းပွတ်းဢိတ်းဢွတ်း ဢွၼ်ႇၼႆ့ ဢွၼ်တၢင်းသုတ်း ၼဵၵ်းပၼ် Ctrl + Alt + T ဢၼ်မီးတီႈၼိူဝ် ၶီးပူတ့် keyboard သေ ပိုတ်ႇ ထႃႇမီႇၼိူဝ်ႇ terminal။ ပေႃးထႃႇမီႇၼိူဝ်ႇမၼ်း ပိုတ်ႇမႃး ပေႃ့သႂ်ႇ ၶေႃႈပူင် Command ဢၼ်ပၼ်ဝႆ့ ပႃႈတႂ်ႈၼႆ့ၶႃႈ။

gsettings set com.canonical.desktop.interface scrollbar-mode normal

Enjoy!

ပေႃးၶႂ်ႈဝႆ့ၶိုၼ်း မိူၼ်ၵဝ်ႇၼႆ့ ပေႃ့သႂ်ႇပၼ် ၶေႃႈပူင် Command ၸွမ်းၼင်ႇပႃႈတႂ်ႈၼႆ့ၶႃႈ

gsettings set com.canonical.desktop.interface scrollbar-mode overlay-auto

လၢႆးဢိုတ်းပႅတ်ႈ ၼဵၼ် Shutdown, Restart, Logout တီးၼႂ်း ဢူးပုၼ်းတု

Disable Shutdown, Restart, Logout in Ubuntu 12.10 (Quantal Quetzal)

ၸွင်ႇၸဝ်ႈၵဝ်ႇ ဢမ်ႇၶႂ်ႈႁႂ်ႈသေၵေႃ့ၵေႃ့ မႃးဢိုတ်း မႃးၵိုတ်းၶွမ်းၸဝ်ႈၵဝ်ႇႁိုဝ်? လီယဝ့်.. ပေႃးၼၼ် ၶႃႈႁဝ်းတေၼႄ လွၵ်းလၢႆး တွၼ်ႈတႃႇတေ ထွၼ်ပႅတ်ႈ ၶေႃႈပူင် Shutdown, Restart လႄႈ Logout သဵၼ်ႈၵၢၼ် Ubuntu session menu ဢမ်ႇၼၼ် menu list ။

လွင်ႈၵၢၼ်ဢၼ်ၼႆ့ မၼ်းတေလီတွၼ်ႈတႃႇ ၶွမ်းလုၵ်ႈလဵဝ်သေ ၵူၼ်းၸႂ့်တိုဝ်းတၢင်းၼမ် (ၶွမ်းၵၢင်လၢႆ) လႄႈ ဢၼ်ဢမ်ႇၶႂ်ႈႁႂ်ႈပၼ်ႁဵတ်း လွင်ႈၵိုတ်းၸၢၵ်ႈ Shutdown လႄႈ လွင်ႈတႄႇၶိုၼ်း restart ၼၼ့်။ တႃႇႁဵတ်းၵၼ်ၸိူင့်ၼၼ် ၸဝ်ႈၵဝ်ႇ တေလႆႈၵေႃႇတင်ႈ ၶွမ်းၸဝ်ႈၵဝ်ႇ ႁႂ်ႈမၼ်းၸႂ့်ဢၶွင့် ၵၼ်ၶႅၵ်ႇသေ ၽွမ့်ၶဝ်ႈ ႁင်းၵူၺ်းၼႆၶႃႈယဝ့်။ ယဝ့်ၵေႃႈ ၸဝ်ႈၵဝ်ႇ တေလႆႈဢိုတ်းပႅတ်ႈ ၶေႃႈပူင် ဢၼ်တႃႇဢိုတ်းၶွမ်း ဢၼ်မီးၼႂ်းသဵၼ်ႈမၢႆ ၼၼ့် ၼင်ႇႁိုဝ် ၽႂ်တေဢမ်ႇမႃး ဢိုတ်းၶွမ်းလႆႈၼၼ့်ၶႃႈယဝ့်။

ၵၢၼ်သၢင်ႈ:

- ထွၼ်ပႅတ်ႈ ၶေႃႈပူင် Shutdown, Restart, Logout ဢၼ်မီးတီႈၼႂ်း Ubuntu
- ၸႂ့်တိုဝ်းတူၺ်း

တႃႇတေတႄႇႁဵတ်း ၵၢၼ်သၢင်ႈၼႆ့ ဢွၼ်တၢင်းသုတ်း ၼဵၵ်းပၼ် Ctrl + Alt + T ဢၼ်မီးတီႈၼိူဝ် keyboard တွၼ်ႈတႃႇတေပိုတ်ႇ ထႃႇမီႇၼိူဝ် terminal။ ပေႃး ထႃႇမီႇၼိူဝ်ႇ ႁဝ်းပိုတ်ႇမႃးယဝ့်ၼႆ့ ၵႂႃႇပေႃ့သႂ်ႇ ၶေႃႈပူင် ၸွမ်းၼင်ႇပႃႈတႂ်ႈၼႆ့ၶႃႈ။



တတ်းႁၢမ်ႈ ၶေႃႈပူင် Shutdown

gsettings set com.canonical.indicator.session suppress-shutdown-menuitem true

တတ်းႁၢမ်ႈ ၶေႃႈပူင် Restart

gsettings set com.canonical.indicator.session suppress-restart-menuitem true

တတ်းႁၢမ်ႈ Logout

gsettings set com.canonical.indicator.session suppress-logout-menuitem true

ဢမ်ႇၼၼ် ၸဝ်ႈၵဝ်ႇ ၸၢင်ႈဢူၼ်းသႂ်ႇ dconf Editor ဢၼ်ၼႆ့သေ ၸၢင်ႈၸႂ့်ႁဵတ်းၵၢၼ် ၸွမ်းၼင်ႇ ဢၼ်ႁဝ်းၶႂ်ႈႁဵတ်းၼၼ့်ၶႃႈ။ ပိုတ်ႇဢၼ်ၼၼ့်သေ ၵေႃႈ ၵႂႃႇတီႈ app-> indicator-session

တႃႇတေဢူၼ်းသႂ်ႇ ဢၼ်ၼၼ့်ၼၼ့် တႅမ်ႈသႂ်ႇ ၶေႃႈပူင် ၸွမ်းၼင်ႇပႃႈတႂ်ႈၼႆ့ၶႃႈ။

sudo apt-get install dconf-tools



ၸႂ့်တိုဝ်းတူၺ်း ႁႂ်ႈႁၢၼ့်ၸႂ်သေၵမ်း။

Blender 2.64 ပိုၼ်ဢွၵ်ႇမႃးယဝ့်

ဢၼ်ပဵၼ် ၾွၼ်ႇတေးသျိၼ်း Blender လႄႈ ၸုမ်းၽူႈၶူင်ႈသၢင်ႈၶဝ် ၶပ့်ၶိုင်ပိုၼ်ဢွၵ်ႇ Blender Version ဢၼ်မႂ်ႇ ( 2.64) မႃးယဝ့်ၼႆၶႃႈ။ ၼႂ်းမၢႆဢွၵ်ႇၵမ်းလိုၼ်းၼႆ့ ၶဝ်ႁဵတ်းဝႆ့ ၼင်ႇႁိုဝ်မၼ်းတေၶႅမ့်လိူဝ်သေ မၢႆဢွၵ်ႇ ဢၼ်ၵဝ်ႇၼၼ့်ဝႃႈၼႆၶႃႈယဝ့်။

လွင်ႈႁဵတ်းသၢင်ႈ ႁႂ်ႈၶႅမ့်လႅပ်ႈသေ မၢႆဢွၵ်ႇၵဝ်ႇ ၼၼ့်တႄ့ ႁဵတ်းႁႂ်ႈ motion tracking ဢၼ်ၸႂ့် planer tracker, full VFS pipeline လႄႈ  green screen keying ဢၼ်ငၢႆႈငၢႆးၵေႃႈပႃး။

သင်ၸိူဝ့်ဝႃႈ ၶႂ်ႈတူၺ်း release log ၼႆ ၼဵၵ်းတီႈၼႆႈ သေတူၺ်းလႆႈယူႇၶႃႈ။

ၵၼ်ၼႆ့တႄ့ ႁဝ်းၶႃႈတေၼႄၵႂႃႇဝႃႈ တေႁဵတ်းႁိုဝ် ဢူၼ်းသႂ်ႇ install / upgrade ယုၵ့်သုင် Blender 2.64 တီႈၼႂ်း Ubuntu 12.04 Precise Pangolin

ၵၢၼ်သၢင်ႈ:

- ဢူၼ်းသႂ်ႇ/ ယုၵ့်သုင် Blender 2.64 တီႈၼႂ်း Ubuntu 12.04

- ၸႂ့်တိုဝ်းတူၺ်း

တႃႇတေတႄႇ ၵၢၼ်သၢင်ႈႁဝ်းၶႃႈၼႆ့ ၼဵၵ်း Ctrl + Alt + T တီႈၼိူဝ် keyboard သေၵေႃႈ ပိုတ်ႇ ထႃႇမီႇၼိူဝ်ႇ terminal။ ပေႃး ထႃႇမီႇၼိူဝ်ႇ ပိုတ်ႇမႃးယဝ့်ၵေႃႈ ပေႃ့သႂ်ႇပၼ် ၶေႃႈပူင် commands ၸွမ်းၼင်ႇ ပႃႈတႂ်ႈၼႆ့ တွၼ်ႈတႃႇတေထႅမ်သႂ်ႇ PPA မၼ်းဝႃႈၼႆၶႃႈယဝ့်။

sudo add-apt-repository ppa:irie/blender

ၵမ်းလိုၼ်းသုတ်းမႃး ၶိုၼ်းပေႃ့သႂ်ႇ ၶေႃႈပူင် commands တႃႇတေႁဵတ်း ဢၢပ့်တဵၵ့် ပိူင်သၢင်ႈလႄႈ တႃႇတေ ဢူၼ်းသႂ်ႇ Blender ၼႆၶႃႈယဝ့်။

sudo apt-get update && sudo apt-get install blender

ၸႂ့်တိုဝ်းတူၺ်း ႁႂ်ႈႁၢၼ့်ၸႂ်သေၵမ်း

LibreOffice 3.6.2 ဢၼ်ၶိုၼ်းမႄးႁဵတ်း ဢၢပ့်တဵၵ့်ဝႆ့ၼၼ့် ပိုၼ်ဢွၵ်ႇမႃးယဝ့်

ဢၼ်ပဵၼ် ဢၢပ့်တဵၵ့် တွၼ်ႈတႃႇ LibreOffice 3.6.2 ၼႆ့ ပိုၼ်ဢွၵ်ႇမႃးၶႃႈယဝ့်။ တီႈၼႂ်း မၢႆဢွၵ်ႇၵမ်းၼႆ့ မႄးဝႆ့ လွင်ႈယူပ်ႈယွင်း 90 ဢၼ်ၼႆၶႃႈယဝ့်။ တီႈၼႂ်း မၢႆဢွၵ်ႇ ဢၼ်ဢွၵ်ႇမႃးၵမ်းလိုၼ်းၼႆ့ လႆႈမႄးဝႆ့ ဢႅပ့်ပရီႇၶိူဝ်းသျိၼ်း ၸိူဝ်းလူ့ဝႆ့လႄႈ ၶိုၼ်းမႄးႁဵတ်းႁႂ်ႈ ၵၢၼ်ထတ်းပိူင်တႅမ်ႈလိၵ်ႈ  grammar checker မၼ်းၶႅမ့် လိူဝ်သေ grammar checkerၵဝ်ႇၼႆၶႃႈယဝ့်။

သင်ၸိူဝ့်ဝႃႈ ၶႂ်ႈတူၺ်း release log ၼႆ ၼဵၵ်းတီႈၼႆႈ သေတူၺ်းလႆႈယူႇၶႃႈ။

တေႁဵတ်းႁိုဝ် ႁဵတ်း ဢၢပ့်တဵၵ့် တီႈၼႂ်း ဢူးပုၼ်းတု?

တႃႇတေႁဵတ်း ဢၢပ့်တဵၵ့်ၼႆ့ ၼဵၵ်း Ctrl + Alt + T သေ ပိုတ်ႇ Terminal။ ယဝ့်ၵေႃႈၵႂႃႇပေႃ့သႂ်ႇ ၶေႃႈပူင် ၸွမ်းၼင်ႇ ပႃႈတႂ်ႈၼႆ့ၶႃႈ။

sudo add-apt-repository ppa:libreoffice/ppa

သိုပ်ႇသေလႄႈ  ၶိုၼ်းပေႃ့သႂ်ႇၶေႃႈပူင်ထႅင်ႈ တွၼ်ႈတႃႇတေႁဵတ်း ဢၢပ့်တဵၵ့် ပိူင်သၢင်ႈ လႄႈ ယုၵ့်ၸၼ့် LibreOffice  ၼႆၶႃႈယဝ့်။

sudo apt-get update && sudo apt-get install libreoffice libreoffice-gnome

 ၸႂ့်တူၺ်း ႁႂ်ႈႁၢၼ့်ၸႂ်သေၵမ်း။