Windows 10 ဢၼ်တေၸၢင်ႈၸႂ်ႉလႆႈ ၼိူဝ် Mac

ၼႂ်းဝူင်ႈဝၢင်ႈၼႆႉ လုၵ်ႉတီႈ Apple သေ ႁဵတ်းဢွၵ်ႇပၼ် Boot Camp Version ဢၼ်မႂ်ႇ ဢၼ်တေၸၢင်ႈ ၸႂ်ႉ Microsoft Windows 10 တီႈၼိူဝ် Mac ၼႆယဝ်ႉ။ ပေႃးပဵၼ် Mac ဢၼ်ဢူၼ်းသႂ်ႇဝႆႉ Yosemite ဢၼ်လႂ်သေဢၼ်ဝႃႈ တေၸၢင်ႈဢဝ် Windows 10 တၢင်ႇသေ ၸႂ်ႉလႆႈ ၼႆယဝ်ႉ။ ၸိူဝ်းပဵၼ် ၶိူင်ႈ Tool ဢၼ်မႂ်ႇ ဢၼ်ပႃးမႃးၼႂ်း Boot Camp ၼႆႉ မၼ်းတေၸႅၵ်ႇဢဝ် ၶွင်ႉ Partition ဢိတ်းဢွၼ်ႇသေၵေႃႈ တေၸၢင်ႈဢဝ်ၸႂ်ႉ တွၼ်ႈတႃႇ iOS လႄႈတင်း Windows ၼႆယဝ်ႉ။ Software ဢၼ်ၼႆႉၼႆႉ ၽွင်းမၼ်း တႄႇပိုတ်ႇၶွမ်းမႃး မၼ်းတေ ႁဵတ်းႁႂ်ႈႁဝ်းၶႃႈ လိူၵ်ႈဢဝ်ဝႃႈ တေၶႂ်ႈၸႂ်ႉ OS ဢၼ်လႂ်ၼႆသေဢမ်ႇၵႃး ပေႃးၸႂ်ႉဝႆႉ OS ဢၼ်ၼိုင်ႈၼႆၵေႃႈ တႃႇတေဢဝ်ၸႂ်ႉ ၾၢႆႇၸိူဝ်းမီးၼႂ်း OS တၢင်ႇဢၼ်ၼၼ်ႉၵေႃႈ ႁဵတ်းဝႆႉ ႁႂ်ႈမၼ်းငၢႆႈငႅမ်ႈယူႇ။

ဢႅပ်ႉတႃႇသွၵ်ႈႁႃ ၽူႈလူႇလိူတ်ႈ

မၢင်ပွၵ်ႈမၢင်လႂ်မႃး ယွၼ်ႉတႃႇ တူဝ်ၸဝ်ႈၵဝ်ႇၵေႃႈလီ၊ ယွၼ်ႉတႃႇ ဢၼ်ပိူၼ်ႈယွၼ်းတၢင်းၸွႆႈထႅမ်မႃး ၵေႃႈလီ ႁဝ်းၶႃႈ တေၸၢင်ႈ လူဝ်ႇလိူတ်ႈ ၵေႃႈတေၸၢင်ႈပဵၼ်လႆႈ။ ပေႃးပဵၼ် ဝၢၼ်ႈၽႂ်မိူင်း မၼ်းတႄႉ ၵေႃႈ ႁူႉတေႁႃလႆႈ ငၢႆႈငၢႆႈသေတႃႉ ပေႃးၵႂႃႇတူၵ်းတီႈ ဝၢၼ်ႈပိူၼ်ႈ ဝဵင်းပိူၼ်ႈမႃးသေ ပီႈၼွင်ႉၵေႃႈ ဢမ်ႇမီး ၵူၼ်းႁူႉၸၵ်း ၵေႃႈဢမ်ႇမီး သမ်ႉဝႃႈလူဝ်ႇလိူတ်ႈၼႆ ၼႆႉၵေႃႈ ပဵၼ်တၢင်းၶၢၼ်ၸႂ် ၵိၼ်းၸႂ် ဢၼ်ၼိုင်ႈယဝ်ႉ။

ယွၼ်ႉပိူဝ်ႈၼၼ် ၼင်ႇႁိုဝ် တေဢမ်ႇလႆႈပဵၼ် တၢင်းၶၢၼ်ၸႂ် ၵိၼ်းၸႂ်ၸိူင်ႉၼၼ်ၼႆ ၽူၶူင်သၢင်ႈ ဢႅပ်ႉ Phyo Min Thu လႄႈတင်း Ye Min Htut ၶဝ် ၸင်ႇလႆႈ ႁဵတ်းဢွၵ်ႇ ဢႅပ်ႉ ဢၼ်တေၸၢင်ႈႁႃပၼ်လႆႈ ၽူႈလူႇလိူတ်ႈ ၵူႈမဵဝ်းမဵဝ်း ၼႆၶႃႈဢေႃႈ။

ၶပ်းမၢႆ သူႇပႃႇပႂႃး ၶွင် Telenor

လုၵ်ႉတီႈ ၽူႈၵမ်ႉထႅမ် ၵၢၼ်ၾူင်း Telenor ၶဝ်​ သိုပ်ႇမိုတ်ႇပၼ် ၶပ်ႉမၢႆ သူႇပႃႇပႂႃး ဢၼ်ဝႃႈၼၼ်ႉ ဢေႃႈ။ ထိုင်မႃးယမ်းလဵဝ် ၽူႈၸႂ်ႉတိုဝ်း သၼ်ၺႃး တႄႇလီႇၼေႃးၼႆႉ မီးမႃးထိုင် သိပ်းလၢၼ်ႉပၢႆယဝ်ႉ လႄႈ တေလႆႈဝႃႈ ၵူၼ်းၸႂ်ႉတိုဝ်း ၼမ်မႃးတႄႉတႄႉယူႇ။ ယွၼ်ႉပိူဝ်ႈၼၼ် လႄႈ ၼင်ႇႁိုဝ် ၵူၼ်းၸႂ်ႉ တိုဝ်းသၼ်ၺႃးတႄႇလီၼေႃး ၼင်ႇၵၼ် ႁႂ်ႈပေႃး ၵပ်းသိုပ်ႇၸူးၵၼ်လႆႈ ၵႃႈမၼ်းထုၵ်ႇထုၵ်ႇၼႆ ၶဝ် ၸင်ႇႁဵတ်း တိုဝ်ႉတၢင်းပၼ် တႃႇႁွင်ႉၾူင်းလႆႈ ၼိုင်ႈမိတ်ႉၼိတ်ႉ 18 ၵျၢပ်ႈ ၼႆဢေႃႈ။ ပေႃးဝႃႈ ဢမ်ႇၸႂ်ႈ သၼ်ၺႃး တႄႇလီၼေႃးသေ တေၵပ်းသိုပ်ႇၸူးတင်း သၼ်ၺႃးတၢင်ႇဢၼ်ၼႆတႄႉ တေတူၵ်းၸူဝ်ႈ ၼိုင်ႈမိတ်ႉၼိတ်ႉ 23 ၵျၢပ်ႈ ၼႆဢေႃႈ။ 

Medical Dictionary : ပပ်ႉသပ်း ပၢႆးယႃႈယႃႈ

ဢၼ်ပဵၼ်ဢႅပ်ႉ Medical Dictionary - Healthcare Definitions and Terminology ၼႆႉ မၼ်းပဵၼ် ဢႅပ်ႉ ဢၼ်တေၶဝ်ႈတၢင်းတိုဝ်း တွၼ်ႈတႃႇ ၽူႈလဵပ်ႈႁဵၼ်း ပၢႆးမေႃယႃ၊ ၽူႈလဵပ်ႈႁဵၼ်း ပၢႆးယႃႈယႃ ၶဝ်ဢေႃႈ။ ဢႅပ်ႉဢၼ်ၼၼ်ႉၼႆႉ မၼ်းတေၶဝ်ႈပႃး ၶေႃႈၵႂၢမ်း ဝေႃးႁၢၼ် ပၢႆး​ယႃႈယႃ 180000 ပၢႆသေ ၸမ်ႉပႃးဝႆႉတင်း ၶေႃႈသပ်းလႅင်း မၼ်းသေၼႆဢေႃႈ။တေပႃး သဵင်ဢွၵ်ႇမၼ်း မွၵ်ႈ 50,000 ပၢႆ၊ ၶႅပ်းႁၢင်ႈ တေၶဝ်ႈပႃးမွၵ်ႈ 12,000 ပၢႆး ၼႆဢေႃႈ။ဢႅပ်ႉဢၼ်ၼႆႉ တေၸၢင်ႈဢဝ်ၸႂ်ႉလႆႈ Offline သေ ၸိူဝ်းပဵၼ် တူဝ်လိၵ်ႈ ၶေႃႈၵႂၢမ်း ဢၼ်ၸဝ်ႈၵဝ်ႇ ၵႆႉသွၵ်ႈႁႃၼၼ်ႉ မၼ်းတေဢဝ်သႂ်ႇဝႆႉပၼ်ၼႂ်း recent သေ ၸၢင်ႈၶိုၼ်းတူၺ်းလႆႈ ငၢႆႈငၢႆႈ ၼႆဢေႃႈ။

Font Force

Ours Unicode Force
ZawGyi Tai Force

Downverter: Free & Fast YouTube Videos Downloader & Converter တွၼ်ႈတႃႇ ဢူးပုၼ်းတု

Downverter ၼႆ့ မၼ်းလႆႈၸႂ့်တိုဝ်းလၢႆလၢႆသေၵေႃႈ မၼ်းၼႆ့ပဵၼ်တွၼ်ႈတႃႇတေၸၼ် download ငဝ်းတူင့် YouTube ဢၼ်ၸၸိူဝ်း ပဵၼ် Files High Definition (HD 1080p , 720 p), High Quality (HQ) MP4 ၸိူဝ်းၼႆ့သေၵေႃႈ မၼ်းတေၸၼ် Download သေ မၼ်းတေႁဵတ်းပၼ် Convert ဢၼ်ပဵၼ် File type ၸိူဝ်းဢၼ်ပိူၼ်ႈၸႂ့်တိုဝ်းၼမ် ၼႂ်းတူင်ႇဝူင်း Media ၼၼ့်ယူႇယဝ့်။

SIIT တေပိုတ်ႇပၢင်သွၼ် Ubuntu

ပေႃးထိုင် ဝၼ်းထီ့ 9.9.2013 မႃး ၸုမ်းတႆးသူင်ၸႂ် ၶွမ်ႇၽိဝ်းတိူဝ်ႇ SIIT (ဝဵင်းလိူဝ်ႇ) တေတႄႇပိုတ်ႇပၢင်သွၼ်ၵပ်းၵၢႆႇလူၺ်ႈ ဢူးပုၼ်းတု Ubuntu ၵႂႃႇၶႃႈဢေႃႈ။ ဢူးပုၼ်းတုၼႆ့ မၼ်းပဵၼ် ပိူင်သၢင်ႈဢူဝ်ႇဢႅတ့် Operating System ဢၼ်ၼိုင်ႈသေ မိူဝ်းၼႃႈမႃး ဢၼ်ႁဝ်းၶႃႈတေလႆႈပိုင်ႈဢိင် တႃႇပေႃးတေပဵၼ် ၶွမ်းၽႃႇသႃႇတႆးႁဝ်းမႃးၼၼ့်ၶႃႈဢေႃႈ။ တေဢဝ် ဢူးပုၼ်းတုၼႆ့ ၵပ်းသိုပ်ႇပၼ် ၽူႈသူင်ၸႂ်ဢၢႆႇထီႇတႆးႁဝ်းၶဝ်ၵႂႃႇသေ တေဢၢၼ်းသွၼ်ပၼ်ၵႂႃႇ လၢႆးဢူၼ်းသႂ်ႇမၼ်း၊ လၢႆးၸႂ်ႉတိုဝ်းမၼ်းၸၵႂႃႇ ၸိူဝ်းၼႆ့ၶႃႈ။ မၼ်းတေပဵၼ် ပၢင်သွၼ်တႃႇ ၽူႈတႄႇၸႂ်ႉတိုဝ်း Basic User , New User ၼၼ့်ၶႃႈဢေႃႈ။ ပၢင်သွၼ်ႁဝ်းၶႃႈတႄ့ တေႁဵတ်းပၼ်ၵႂႃႇတီႈ ၸုမ်းတႆးသူင်ၸႂ် ၶွမ်ႇၽိဝ်းတိူဝ်ႇ ဝဵင်းလိူဝ်ႇ (တီႈဝတ့်တႆး သႃႇသၼဝေႇပုင်ႇလ-ဝဵင်းလိူဝ်ႇ)။ ၵပ်းသိုပ်ႇလႆႈ ၽူႈမီးပုၼ်းၽွၼ်းၶဝ်သေ တွင်ႈထၢမ်ႈလႆႈယူႇၶႃႈ။