ဢၼ်ပဵၼ် Skype VOIP software version ဢၼ်မႂ်ႇၼႆ့ မၼ်းပိုၼ်ဢွၵ်ႇမႃးသေ.. ဢၼ်ပဵၼ် ၵၼ်ႁဵၼ်းဢၼ်ၼႆ့တႄ့ၵေႃႈ တေသပ်းလႅင်းၵႂႃႇဝႃႈ တေႁဵတ်းႁိုဝ် ဢူၼ်းသႂ်ႇ Skype တီႈၼႂ်း Ubuntu 12.04 (Precise Pangolin) ၼႆၶႃႈယဝ့်။ သင်ၸဝ်ႈၵဝ်ႇ ဢမ်ႇႁူ့ဝႃႈ Skype ၼႆ့ မၼ်းပဵၼ်သင်ၼႆ့ တေလႆႈဝႃႈ မၼ်းၼႆ့ပဵၼ် software ဢၼ်ၼိုင်ႈသေမၼ်း တေႁဵတ်းႁႂ်ႈၸိူဝ်းႁဝ်း ၸႂ့် Skype ၼင်ႇၵၼ် ၵပ်းသိုပ်ႇၵၼ်လႆႈတင်းၵမ်ႇၽႃႇ ဢမ်ႇလႆႈၵဵင်ႈၵႃႈၵဵင်ႈႁူဝ်သင် ၼႆယဝ့်။ ဢမ်ႇၼၼ် သင်ဝႃႈ တေလုၵ့်တီႈ ၶွမ်ႇၽိဝ်းထိူဝ်ႇ သေတေၶႂ်ႈ ၽူင်း လႄႈသင် ၶိူင်ႈမူဝ်ႇပၢႆး လႄႈသင်ၼႆ ၵႃႈၶၼ်မၼ်း တေပဵၼ် ဢၼ်ထုၵ်ႇမႅၼ်ႈၼႆၶႃႈယဝ့်။
မၼ်းၼႆ့ ႁဵတ်းၵၢၼ်ၸွမ်း Windows, Mac လႄႈတင်း Linux သေၸဝ်ႈၵဝ်ႇ ၸၢင်ႈ လူတ်ႇလူင်း(download) လႆႈ ငၢႆႈငၢႆႈငႅမ်ႈငႅမ်ႈယူႇ။ သင်ၶဝ်ႈၸႂ်ၼႆ ၵႂႃႇဢဝ်တီႈၼႃႈလိၵ်ႈ this website
လႆႈယူႇ။ တႃႇတေႁဵတ်းၵၢၼ်လႆႈၼႂ်း Ubuntu ၼႆ့ ႁဝ်းၶႃႈ ႁဵတ်းၸွမ်းၼင်ႇ ၸၼ့်ပႃႈတႂ်ႈၼႆ့ၶႃႈ။
လွင်ႈယိူင်းဢၢၼ်း-
- ဢူၼ်းသႂ်ႇ(Install) Skype 4.0 တီႈၼႂ်း Ubuntu 12.04 (Precise Pangolin)
- ၸႂ့်တူၺ်း။
တႃႇတေတေႇၼႆ့ ၵႂႃႇတီႈၼႃႈလိၵ်ႈ Website this website and download ၼႆ့သေၵႂႃႇဢဝ် Version ဢၼ်မႂ်ႇတႃႇ system ၸဝ်ႈၵဝ်ႇၶႃႈ။ ၸဝ်ႈၵဝ်ႇၸၢင်ႈလိူၵ်ႈဢဝ် 32-bit ႁိုဝ် ဢမ်ႇၼၼ် 64-bit တွၼ်ႈတႃႇ system ၸဝ်ႈၵဝ်ႇ။
ပေႃးဝႃႈမၼ်းဢွၵ်ႇမႃး လိူၵ်ႈပၼ် ‘Open with Ubuntu Software Center (default)’
တႃႇတေဢူၼ်းသႂ်ႇၼၼ့် ၼဵၵ်းပၼ်တီႈၼဵၼ် ‘Install’ ၼၼ့်ၶႃႈ။
ပေႃးယဝ့် ပိုတ်ႇတူၺ်းလႆႈယဝ့်။
No comments:
Post a Comment